Американците на „црн петок” само онлајн потрошиле девет милијарди долари

epa08812698 Workers sort packages at an automated logistic center for Chinese e-commerce giant JD.com, on Singles' Day, in Beijing, China, 11 November 2020. Singles' Day is the largest online shopping festival in the world and Chinese consumers are expected to spend billions on bargains during the one-day e-commerce shopping spree. EPA-EFE/ROMAN PILIPEY

Купувањето преку интернет на „црн петок” годинава достигна највисоко ниво од девет милијарди долари, имајќи предвид дека американските потрошувачи за време на пандемијата Ковид-19 се свртеа кон онлајн купување.

За разлика од претходните години, кога Американците ги полнеа продавниците неколку часа по Денот на благодарноста, оваа година тие одлучија да купуваат преку компјутер и телефон, со цел да ги искористат продажбите и попустите.

За време на „црниот петок”, американските потрошувачи досега трошеле 6,3 милиони долари во минута кога купувале преку интернет, или во просек по 27,5 долари од лице, покажуваат податоците на Адобе Аналитикс.

Трошоците за паметни телефони годинава се зголемиле за 25,3 проценти од минатата година на 3,6 милијарди долари, бидејќи паметните телефони сочинуваат 40 проценти од вкупната е-трговија.

Потрошувачката на купувачите на „црн петок” годинава се зголемила за 21,6 проценти во споредба со минатата година.

Според Адобе Аналитикс, и покрај рекордите, годинашниот „црн петок” стана втор најголем ден на трошење преку Интернет во историјата на САД, зад „кибер понеделник” минатата година.

Се проценува дека „кибер понеделник” годинава ќе стане денот со најголема онлајн потрошувачка во историјата.

За време на Денот на благодарноста, во четвртокот, онлајн потрошувачката се зголемила за 21,4 проценти, на рекордни 5,1 милијарда американски долари.

Извор.МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот