АМЕРИКА НЕ ИМ ДАЛА ВИЗИ: Доаѓањето на Рохани и Зариф на Генералното заседание на ОН доведено во прашање!
Иранскиот претседател Хасан Рохани, како и министерот за надворешни работу Мухамед Џавад Зариф можеби нема да одат на заседанието на Генералното собрание на Обединетите Нации (ОН), бидејќи од САД се уште им немаат издадено визи, соопшти иранската државна новинска агенција ИРНА.
Во текстот на ИРНА стои дека Зариф требало да отпатува во САД во петокот, а претседателот Рохани да дојде во понеделник.
Постоеле и шпекулации дека претседателите на Иран и САД ќе се сретнат на маргините на заседанието, што подоцна беше демантирано.
Нападот на нафтна рафинерија во Саудиска Арабија дополнително ги зголеми тензиите, бидејќи САД го обвинија Иран дека стојат зад нападот, иако јеменската бунтовничка група Хути ја презеде одговорноста.