Амазон забрани продажба на милион производи поради невистини за коронавирусот

Амазон објави дека забранил продажба на милион производи во последните неколку недели поради лажни тврдења за лекување на коронавирусна болест или за заштита од инфекција.

Амазон е под лупа заради производи што се продаваат на неговата платформа, со тврдење дека нудат сигурна заштита од инфекцијата.

Италијанските власти поднесоа кривична пријава против трговците кои ги измамиле клиентите со таквите тврдења, продавајќи заштитни маски и средства за дезинфекција по енормно високи цени. Голем број луѓе почнаа со купување заштитни маски на интернет и тоа по нереални цени. Цената на зашптитна маска на интернет се зголеми од еден евроцент на 10 евра, а литар дезинфекциско средство од осум евра во минатата недела на 30 во вторникот. На Амазон е утврдено дека пакет од 10 заштитни маски се продава за 128 долари иако до неодамна таа цена беше 41,2 долари.
– Амазон нема да толерира нереално високи цени, нагласува во соопштение портпаролка на компанијата.

Таа се повика на политиката на компанијата дека информациите за производот мора да бидат точни и истакна дека Амазон може да отстрани понуди доколку се утврди дека ја нарушуваат довербата на клиентите.

Ова исто така важи и за цените „значително повисоки од она што се бараше за одредени производи во претходниот период, на или надвор од Амазон”, додаде таа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот