Алкохолот и цигарите најскапи во Ирска, а најефтини во Бугарија

Фото: ЕПА

Најголем трошок на домаќинствата за потрошувачка во Европската унија во 2023 година е забележан во Данска, каде што изнесува 143 отсто од просекот на Унијата, а најниски во Бугарија и Романија, објави Евростат.

Најголема разлика во цените е забележана кај алкохолот и тутунот. Лани цените на алкохолот и тутунот биле 3,2 пати повисоки во Ирска, каде биле најскапи, а во Бугарија се продавале по најниски цени. Оваа голема варијација во цената главно се должи на разликите во оданочувањето на овие производи, наведува Еуростат.

Рестораните и хотелите се рангирани на второ место за разликата во нивото на цените, со најниски нивоа на цени регистрирани во Бугарија (52 проценти од просекот на ЕУ), Романија (65 проценти) и Унгарија (72 проценти), а највисоки во Данска (152 проценти) , Финска (129 проценти) и Ирска (128 проценти).

Облеката е рангирана на третото место според варијациите на нивото на цените, со најевтини цени на облеката во Шпанија (81 отсто), Бугарија (82 отсто) и Унгарија (88 отсто), додека најскапи биле во Данска (131 отсто), Чешка (126 отсто) и Естонија (118 проценти), пренесува Б92.

Нееднаквости се забележани и кај храната и безалкохолните пијалоци, кои се разликуваат од 74 отсто од просекот на ЕУ во Романија до 119 отсто во Луксембург, опремата за лична транспорт која варира од 90 отсто во Словачка до 129 отсто во Данска и потрошувачката електроника од 92 отсто во Италија на 113 проценти во Франција

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот