Турнирот во Мајами полека влегува во самата завршница и во машка и во женска конкуренција, а засега најмногу се истакнуваат слениците од Индијан Велс, Карлос Алкараз и Елена Рибакина.

Шпанскиот тенисер убедливо го совлада домашниот тенисер, деветтиот носител Тејлор Фриц за еден час и 17 минути игра со 6:4 и 6:2. За Алкараз ова беше десетта победа по ред сметајќи ги и тие од Индијан Велс и во сите десет не загуби ниту сет. Во полуфиналето ќе игра против Јаникс Синер, додека втората полуфинална двојка е Медведев – Хачанов.

Слична е ситуацијата и во женска конуренција каде што Елена Рибакина игра во одлична форма иако е седма на ВТА листата. Победата против Џесика Пегула од САД 7:6(3), 6:4 за неа беше 11-та во низа, а обезбеди и финале.

Во финалето Рибакина ќе игра против подобрата од мечот помеѓу Петра Квитова од Чешка и Сорана Чирстеа од Романија.