Алкараз е светско чудо: Како „брз воз“ до титулата во Мадрид

Четврта титула сезонава за Карлос Алкараз/Мадрид, Шпанија/8 мај 2022/Фото: EPA-EFE/EMILIO NARANJO

Титулата на Мастерсот во Мадрид ја освои младиот шпански тенисер Карлос Алкараз, кој во финалето денеска го совлада Александар Зверев со 6:3, 6:1. Податок вели дека тој е најмладиот шампион во Мадрид.

На патот до титулата, тинејџерот од Мурсија ги победи Николоз Басилашвили, Камерон Нори, Рафаел Надал, Новак Ѓоковиќ и сега Зверев.

Ова е четврта титула сезонава за Шпанецот, по Рио де Жанеиро, Барселона и Мајами, а петта во кариерата, откако минатата сезона славеше во Умаг.

Алкараз од понеделник ќе биде шестиот тенисер во светот, а Зверев го совлада за 62 минути игра, со само шест загубени поени на сервис во целиот меч.

Катастрофалната игра во финалето Зверев ја зачини со 25 неизнудени грешки, 14 повеќе од противникот, што јасно покажува дека целиот меч го одигра без концентрација и енергија.

Видео на денот