Екипата на Алкалоид стигна и до четвртата победа во својот четврти натпревар сезонава во македонската ракометна Суперлига.

Денеска играчите предводени од тренерот Кирил Лазаров убедливо со конечен резултат 45:23 славеше против тимот на Прилеп.

Најдобар стрелец во победничкиот состав беше беше Никола Костески со седум голови, додека Мартин Серафимов, Игор Ѓорѓиев и Франциско Оливеира имаа по пет.

На спротивната страна се истакна Томислав Квасек со четири реализирани погодоци.

Во генералниот пласман Алкалоид е на првото место со осум бодови, додека Прилеп е на шестата позиција со трри.

Во следното суперлигашко коло РК Алкалоид ќе гостува кај ГРК Тиквеш на 2 октомври, додека Прилеп три дена подоцна ќе се соочи против Бутел Скопје на гостински терен.