Алиоски: Требаше да бидеме поагресивни и во првото полувреме
Езџјан Алиоски е вториот стрелец за Македонија на Европските првенства, популарниот Џани во поразот од Украина од 2:1 во 57. минута го совлада Бушчан од „втора“ откако ударот од пенал украинскиот голман го одбрани, но одбиената топка повторно дојде до Алиоски кој потоа не погреши. Но во останате 30-тина минути, „рисовите“ не успеаја да постигнат втор гол иако имаа неколку одлични шанси и Алиоски смета дека тој и останатите репрезентативците требаше од првата минута да тргнат агресивно како што играа во вториот дел.
– Со Австрија не загубивме 3:1, сега против Украина сме поразени со 2:1 но мислам дека во првото полувреме требаше да бидеме поагресивни, да играме пресинг. Мислам дека како што игравме во второто полувреме, така требаше да играме од првата минута. Но, ова е фудбал и нема ништо лесно. За нас беше важно да дојдеме до бод, но не успеавме во целта. Имаме квалитет, но за жал не игравме добро од почеток – вели Езџијан Алиоски.