Езгјан Алиоски предвреме ја заврши сезонава поради повредата здобиена на вчерашниот натпревар против Брентфорд и ќе ги пропушти јунските квалификации за ЕП 2020 година.

Алиоски денеска го оперираше менискусот на левото колено и се очекува рехабилитацијата да трае помеѓу шест и осум недели, што значи дека сезоната е завршена за македонскиот репрезентативец.
Алиоски е еден од најдобрите фудбалери на Лидс, сезонава настапи на 47 натпревари и постигна седум голови, но нема да биде во можност да и помогне на Македонија во квалификациските натпревари за ЕП 2020 против Полска и Австрија кои треба да се одиграат во јуни во Скопје.

– Разочарани сме од веста дека Џани најверојатно ја заврши сезоната. Тој е еден од најдобрите фудбалери на Лидс и може да игра на неколку позиции, исто така е еден од омилените играчи кај навивачите но и персоналот во клубот – изјави Виктор Орта, директорот на Лидс.