Алиоски: Јасно е кои се фаворитите, Германија за нас ќе биде огромен предизвик
Македонскиот репрезентативец Езџан Алиоски имаше интервју за германски медиум пред вчерашниот тренинг на Националната арена „Тодор Проески“ – Скопје.
Алиоски е еден од нашите клучни играчи, се очекува така да биде и на денешниот дуел против Германија во квалификациите за СП.
– Јасно е кои се фаворитите, и Германија сигурно ќе биде огромен предизвик за нас повторно. Тие се репрезентацијата од светска класа, која во секој натпревар влегува како фаворит, но ние мора да веруваме во себе.
Мораме да го дадеме најдоброто од себе, и со поддршка од навивачите, ќе целиме кон позитивен резултат – рече Алиоски, а изјавата ја пренесува и УЕФА.
Потсетување дека во првиот меѓусебен дуел во Дуизбург годинава Македонија славеше со 1:2 против Германија.
Милевски: Против Германија пред сè тактички мора да бидеме на врвно ниво
