Алиоски: Дури и ние можеме да го победиме Манчестер јунајтед!
Нашиот играч се подготвува за нов голем предизвик, в понеделник на „Емирати“ во Лондон ќе се обиде со својот Лидс да го изненади фаворитот.
Во пресрет на натпреварот од третото коло во ФА Купот против Арсенал, македонскиот репрезентативец одлучи да го „пецне“ тимот предводен од норвешкиот менаџер Оле Гунар Солскјер.
Езгјан Алиоски се подготвува за нов голем предизвик, неговиот Лидс јунајтед ќе се сретне против Арсенал
На прес конференција македонскиот репрезентативец ги сподели своите очекувања за дуелот против „топчиите“ кој што ќе се игра в понеделник (6. јануари) на „Емирати“ стадионот во Лондон.
Доби прашање од новинарите што мисли за триумфот на Арсенал во премиерлигашкото дерби против Манчестер јунајтед (2:0), еве што одговори нашиот интернационалец:
– Тоа не е нешто посебно. Оваа сезона дури и ние можеме да го победиме Манчестер јунајтед – вели Алиоски.
И оваа сезона „црвените ѓаволи“ играат променливо, моментно дури 27 бодови заостануваат зад водечкиот Ливерпул, а Лидс преку Чемпионшип се обидува да се врати во Премиер лигата.
Играчите на менаџерот Биелса после 26 одиграни кола се на првата позиција со 52 бодови, колку што има и второпласираниот ВБА.