Алиоски би можел да ја продолжи кариерата во Фрајбург?!
Фрајбург инаку следната сезона ќе игра во групната фаза на Лига Европа откако лани го освои шестото место во Бундеслигата.
Како што пренесуваат турските медиуми, токму Фрајбург покажува интерес за македонскиот репрезентативец Езџан Алиоски. Германскиот клуб веќе стапил во контакт со нашиот играч и му испратиле понуда.
Во изминатиот период Алиоски се поврзуваше со турскиот шампион Бешикташ, и кога за момент се помисли дека трансферот ќе биде готов, клубот се откажа.
Левиот бек минатата сезона играше во Саудиска Арабија за Ал Ахли (кој испадна од шампионатот) во чиј дрес имаше шест голови и девет асистенции.
Фрајбург му нуди договор на една година со опција истиот да биде продолжен на уште една сезона (1+1).
Претходно во клупската кариера ги бранеше уште боите на Лидс, Лугано, Шафхаузен, У23 Јанг Бојс, а моментно според „Трансфермаркт“ вреди 7,5 милиони евра.