Алијанса на Албанците: ДУИ ги злоупотребува административците како „жив штит” за политички интереси!

Фото: Слободен печат/Драган Митрески

ДУИ ги злоупотребува административците како „жив штит” за политички интереси! Речиси две децении на власт, а на ДУИ дури сега само пред изборите и текна да се фали со новиот закон за административците, стои во партиското соопштение од Алијансата на Албанците.

-Ја потсетуваме владејачката партија дека многу студии од невладини организации зборуваат за централизирана администрација што им служи на владејачките партии за заштита на партиските интереси. Партија како вас, која прави се за да ужива во власта со злоупотреба на работната сила што за вас се преведува само како глас и ништо друго! Имаме преоптоварена администрација во која има луѓе кои со години немаат ниту едно напредување во кариерата, а во истата администрација има и други луѓе кои напредуваат за половина година со помош на партијата. Сè уште се соочуваме со етничка дискриминација затоа што за жал немаме ниту соодветна застапеност- стои во соопштението.

Граѓаните се презаситени од вашите предизборни приказни, велат оттаму, на кои вие само им ги менувате насловите.

-Наместо да се пофали, ДУИ треба да се срами што по сите овие години на власт, денес пред изборите, излегува и зборува за правата што вработените во овој сектор би требало одамна да ги имаат. Оваа одлука е во продолжение на политичките одлуки од изборен интерес и историјата докажа дека ДУИ не е во состојба да направи реформи и да ги спроведува законите што се појавуваат само на хартија. Со ДУИ на власт, овој закон ќе продолжи да ја доживува истата судбина.

На нашата администрација, потенцираат од партијата, и се потребни радикални реформи кои ќе придонесат за демократија и нормално функционирање на земјата!

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот