Албанците не се ниту процент ниту дел, туку се мнозинство, државотворен народ и се неделива целина, се вели во реакцијата на Коалиционата Алијанса за Албанците и Алтернатива.

Според нив, „одредени експоненти на македонската националистичка политика ќе дадат се од себе, преку Уставниот суд, да го откажат пописот на дијаспората, со цел да се спаси процентот на Македонци и да се намали процентот на Албанци“, смета опозициската Коалиција.

„Коалицијата Алијанса за Албанците и Алтернатива ќе продолжи многу внимателно да ја води битката со сите демократски средства и да ги демаскира сите оние кои за ситни интереси ја загрозуваат европската иднина на Северна Македонија и се дел од антиалбански агенди. Ние ќе се погрижиме овој стратешки интерес на државата и на Албанците да не се погази и пописот да продолжи сè до попишување на секој на списокот жители на оваа држава“, се вели во реакцијата на Алијанса за Албанците и Алтернатива.