Алиев: Азербејџан добива три окрузи во Нагорно Карабах
Азербејџанскиот претседател, Илхам Алиев, соопшти дека окрузите Агдам, Келбаџар и Лажин во Нагорно Карабах во наредните денови ќе бидат предадени на Баку. Тој ова го потврди за време на посета на областите Физули и Џабраил кои Ерменија веќе ги предаде на Азербејџан, пренесува агенцијата ТАСС.
Рускиот претседател Владимир Путин, неговиот азербејџански колега Илхам Алиев и ерменскиот премиер Никол Пашинјан на 9 ноември потпишаа договор за целосен прекин на огнот во Нагорно-Карабах што стапи во сила на 10 ноември.
Договорот предвидува Азербејџан и Ерменија да останат на сегашните позиции и во регионот да се распоредат руски мировни сили. Покрај тоа, Баку и Ереван мораат да разменат затвореници и тела на убиените во конфликтот.
Ерменија и Азербејџан со децении водат спор околу територијата на Нагорно-Карабах, која е населена со Ерменци и која во советскиот период била припоена кон Азербејџан.