Александар Флоровски по повод 30 години независност: Во овие 30 години државата опстојува, но и стагнира

Александар Флоровски, пратеник на ВМРО-ДПМНЕ

По повод одбележувањето на 8 Септември, Денот на независноста на Македонија за „Слободен печат“ зборуваат: Никола Стојановски, СДСМ, прв претседавач на Собранието, Стојан Андов, претседател на првиот собраниски состав, Лубчо Георгиевски, основач на ВМРО-ДПМНЕ, Туше Гошев, пратеник на СДСМ, Насер Зибери, пратеник на ПДП, Алил Џаферовски, пратеник на СДСМ Михаил Пановски, пратеник на ВМРО-ДПМНЕ и Александар Флоровски, пратеник на ВМРО-ДПМНЕ. „Слободен печат“ денеска и утре ќе ги објави нивните видувања за случувањата во последните 30 години.

Она што беше наша заложба во 1991 година, како прв повеќепартиски парламент, има малку врска со она што денеска се случува. Тогаш мечтаевме секој ден некој да нѐ признае и бевме пресреќни кога тоа ќе се случеше. Од тогаш до денес, разликата е голема, бидејќи денеска работите се повеќе борба за профит и фотеља, а тогаш се боревме за македонска држава.

За жал, денеска, кон нас, пратениците од првиот собраниски состав, ни должно почитување не ни покажуваат. Идејата за независна држава беше на ВМРО, но за многу работи од македонскиот национален интерес се договаравме со СДСМ и со тогашното нивно раководство. Да, иако сме се расправале од собраниската говорница, не сме си биле душмани.

А, сепак, по 30 години независност, државата опстојува, но и стагнира. Да не даде Господ да станеме бинационална држава! Ние сме нејзините сајбии – ние ја создававме, и партизаните и комитите, сите заедно. Имаше подобрувања во различни периоди во изминатите три децении, но голем напредок не постигнавме. Македонија и денес е мојата болка и гордост!

Стојан Андов по повод 30 години независност: Клучна беше поддршката од САД

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот