Алегри замена за Солскјер во Манчестер јунајтед!?
Италијанскиот стратег се надева дека наскоро повторно ќе има тренерски предизвик, а се шпекулира дека би можел да се пресели на „Олд Трафорд“.
Како што пренесува британскиот „Дејли Мејл“, Масимилијано Алегри би можел да седне на клупата на „црвените ѓаволи“, доколку Оле Гунар Солскјер има намера да си оди во наредните неколку месеци.
52-годишниот стратег Алегри минатото лето го напушти Јувентус, после освојувањето на петтата титула по ред во Серија А.
Massimiliano Allegri has his eye on the Manchester United job should Ole Gunnar Solskjaer leave Manchester United in the coming months. Mauricio Pochettino is also keeping a close watch on developments. [daily mail] #MUFC
— Mufc Transfer Report (@red_devils_OGS) January 9, 2020
Оттогаш италијанскиот тренер нема работа, иако се поврзуваше со трансфер во Арсенал како замена за Унаи Емери, но нешто подоцна беше промовиран Микел Артета.
Алегри се надева дека наскоро повторно ќе има тренерски предизвик, а се шпекулира дека би можел да се пресели на „Олд Трафорд“.
Солскјер од друга страна не се плаши од отказ, но после поразот во првиот меч од полуфиналето во Лига Купот од Манчестер сити истакна дека неговите играчи ги имаа најслабите перформанси досега сезонава.
Манчестер јунајтед има само две победи во последните шест натпревари. Освен Алегри, со поранешниот европски шампион се поврзува и екс менаџерот на Тотенхем, Маурисио Покетино.