Алегри со „ултиматум“ до Манчестер јунајтед!? – Слободен печат
СпортФудбал

Алегри со „ултиматум“ до Манчестер јунајтед!?

„Црвените ѓаволи“ се во очајна форма, а Оле Гунар Солскер е на работ на отказ поради лошите резултати во досегашниот дел од сезоната.

Италијанскиот тренер Масимилијано Алегри му се понудил на Манчестер јунајтед, пренесува „Дејли Мејл“.

Тој е заинтересиран за функцијата, но на првите луѓе на клубот од „Олд Трафорд“ им поставил услов дека мора да го ангажираат „во рок од неколку следни недели“, бидејќи нема намера да чека до зима или до крајот на сезоната во потрага за нов тренерски ангажман.

Поранешниот тренер на Милан и Јувентус е без ангажман од крајот на минатата сезона, кога со Јувентус освои пет шампионски титули по ред и е во потрага по нова работна обврска. Алегри претходно се поврзуваше со Арсенал, а Италијанецот рече дека би сакал да работи во Премиер лигата и сè почесто го учи англискиот јазик.

Во последните четири првенствени натпревари Манчестер освои само два бода, а после репрезентативните обврски го чека дербито со Ливерпул на „Олд Трафорд“.

Откако доби нови тригодишен договор, Солскјер во следните 17 првенствени натпревари освои исто толку бодови, а неговиот состав оваа сезона го забележа најлошиот старт во последните 30 години.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close