Масимилијано Алегри по напуштањето на клупата на Јувентус одлучи сезонава да одмора од фудбалот. Тој во тренерската кариера освои едно Скудето со Милан, додека со Јувентус доминираше во Серија А во последните пет години, а два пати играше и во финалето на Лигата на шампионите. Тој во интервју за „ЕСПН“ открива неколку тајни од тренерската професија, а зборува и за улогата на самиот тренер.

– Тренерот мора да биде покрај аут-линијата, мора да го дише фудбалот, да сфати кога треба да ги замени фудбалерите или да го извлече најдоброто од неговата екипа. Кога сте покрај теренот е перцепцијата е поинаква од таа која сакаат да ни ја наметнат луѓето кои од фудбалот прават егзактна наука. На таквите им порачувам дека тренерите не се создаваат покрај екраните туку на теренот – размислува Алегри.

Италијанецот е противник на се поголемата примена на технологијата во фудбалот.
– Доколку сè се дигитализира и се направите механички, повеќе нема да имате играчи кои размислуваат туку ќе имате роботи. Форсирањето на технологијата ја убива уметноста на фудбалот и тренерската работа. Јас лично немам ниту лаптоп, а истовремено гледам колку моите колеги се потпираат на електронските направи. Имам Ајпад, но него ми го купи Јувентус и на него ги гледам натпреварите и следам стастика. Имам добра меморија и не ми требаат поинакви помагала – додава Алегри.

Тој смета дека главната улога на тренерот кога ги тренира ѕвездите е да ги подготви физички, да ги распореди и да им даде упатства.

– Што можам нешто ново да ги научам Роналдо, Дибала, Роналдињо, Седорф или Пирло? Ништо, само можам да ги подготвам добро на физички план, да им дадам насоки како да играат, а потоа кога ќе почне натпреварот тие мора да одлучат што е најдобро за нив и како да реагираат.