Кандидатот за премиер на Косово, лидерот на Движењето Самоопределување, Албин Курти, постигнал нов рекорд со гласовите што ги добил на изборите од 6 октомври.

Курти успеал да добие 185 илјади гласови, бројка која не е постигната од страна на нту еден косовски политичар. Ваквата информација ја сподели поранешната пратеничка, Арбрие Нагавци. Курти на последните избори кои се одржаа во 2017 година добил 142 илјади гласови, пренесува Балканвеб.

Според извори на Бота Сот, Курти на изборите добил 20 илјади гласови повеќе од кандидатката за премиер на Косово од редовите на ДСК, Вјоса Османи.

Таа на овие избори добила 165 илјади глсови. Според првичните резултати за предвремените парламентарни избори во Косово, Самоопределување добила 203 илјади гласови а ДСК 197 илјади гласови. Овие бројки се без гласовите на дијаспората, но и без промените кои се прават со пребројувањето на гласовите, кое е во тек.