Во ексклузивно интервју за „Слободен печат“, кандидатот за премиер на Косово Албин Курти, негира дека се залага за Голема Албанија, но вели дека Албанија и Косово се две држави на еден народ. Границата меѓу нив, Албин Курти ја смета за граница поставена од Југославија и Србија и како таква, вели дека не е албанска граница.

Албин Курти се противи на идејата за размена на територии како начин на решавање на косовско-српскиот спор, затоа што тоа води кон војна.

Движењето „Самоопределување“ на Албин Курти е социјалдемократско по својата идеологија и затоа тој смета дека, доколку стане премиер на претстојните избори, ќе се залага за подобра соработка со Северна Македонија и со премиерот Зоран Заев, за разлика од другите партии на Косово кои добро соработувале со претходниот режим на Никола Груевски.

Целото интервју на Албин Курти за „Слободен печат“ гледајте го утре на Слободна ТВ.