Албанците ќе влегуваат во Србија само со лична карта

Фото: EPA-EFE/GEORGI LICOVSKI

Албанското Mинистерство за Европа и надворешни работи денеска соопшти дека стапил во сила договорот меѓу албанската и српската влада за слободно движење на граѓаните.

Според официјалното соопштение, на албанските граѓани сега им е потребна само лична карта за влез во Србија, а истото важи и за српските граѓани во Албанија.

– Сега, за сите албански државјани кои патуваат во Србија, освен пасош, дипломатски пасош, службен пасош, дозвола за транзит, валиден документ е и биометриска лична карта. Истите документи се валидни за влез и на српските граѓани во Албанија, стои во соопштението на министерството.

Србија станува петтата земја, по Косово, Црна Гора, Северна Македонија и Босна и Херцеговина, каде што албанските граѓани можат слободно да се движат покажувајќи само лични карти на граничните премини, исто како и граѓаните на овие земји за влез во Албанија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот