Албанскиот претседател Мета изрази солидарност со турскиот и грчкиот народ

Илир Мета. / Фото: МИА

По земјотресот во Турција и Грција албанскиот претседател Илир Мета изрази солидарност со грчкиот и турскиот народ.

-Ова е момент на човечка солидарност,да се застане покрај семејствата на жртвите и властите на Турција и Грција за да се справат со штетите предизвикани од оваа природна катастрофа,напиша Мета на Фејсбук.

Додава дека целиот албански народ е покрај народот на двете пријателски земји, со желба да ја надминат оваа тешка ситуација и да ја ублажи болката на семејствата кои ги изгубија своите најблиски.

-Длабоко потресен од земјотресот што го погоди грчкиот остров Самос попладнево и сериозно го погоди градот Измир. Албанија ќе биде блиску до пријателските земји со сите свои можни капацитети,наведува Мета.

Собранискиот спикер Грамоз Ручи, упатил телеграма до своите колеги, Мустафа Шентоп и Константин Тасоулас.

-Со голема вознемиреност ја слушнав веста за многу силниот земјотрес што ги погоди Санмос, Измир и околните области. Во овие тешки моменти, Собранието на Албанија и целиот албански народ се блиски до нашите пријателски народи и соседи и ние ја изразуваме нашата болка и солидарност со граѓаните и роднините на жртвите, наведува Ручи.

И лидерот на опозициската Демократска партија,Љуљзим Баша изрази солидарност и додаде дека со голема загриженост ги следи информациите и искажува сочувство со семејствата на загинатите а на повредените им посакува брзо закрепнување.

Извор:МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот