Албанскиот парламент избра нов државен обвинител
Албанскиот Парламент денеска избра нов главен државен обвинител. Со 101 глас за, два против и 10 пратеници кои беа воздржани, на оваа позиција е избран Олсиан Чела.
Двајцата други кандидати, досегашната главна обвинителка Арта Марку, и Фатјона Мемчај, имаа многу помалку гласови од Чела. Марку имаше 11 гласа за, 22 против, додека 78 беа воздржани. Мемчај имаше осум гласа за, 16 против и 87 беа воздржани. Олсиан Чела својата кариера ја има започнато во 2001 година.
Во последните две години на оваа позиција беше поставена Арта Марку како вршител на должноста само со гласовите на владејачката Социјалистичка партија, откако тогашниот Адриатик Лала, поднесе оставка поради сомненија за вмешаност во корупција. Главниот државен обвинител се избира со мандат од седум години.