Албански професор снимен како бара секс од студентка, полицијата веднаш го приведе (ВИДЕО)
Истражното шоу на албанската Телевизија Клан синоќа објави друг скандал преку скриена камера. Со звук и слика шоуто ”Стоп” документираше како професор по име Денис Химчи бара од студентка интимни односи во замена за да ги положи испитите. Не само за неговиот предмет, туку доколку девојката беше спремна за тоа што го бараше професорот, тој ќе и ги средел сите испити, корумпирајќи ги своите колеги со подароци.
Целиот настан се случува во Универзитетот „Александар Џувани“ во Елбасан, Албанија. Студентката за која станува збор, со малку „трудољубивост и подготвеност“, ќе ги положеше, за неколку дена, сите испити од два семестри. Дури професорот неа би ја третирал добро и со подароци, телефони и платени масажи во естетските центри во Тирана.
Веднаш по објавувањето на снимката во Тв Клан, полицијата на Елбасан го приведе професорот Денис Химчи, кој е на 36 годишна возраст и е обвинет за вршење недозволено влијание врз лицата кои вршат јавни функции и пасивна корупција на лица кои вршат јавна функција.
Видеото можете да го погледнете ТУКА.