Албанските гласачи кои живеат во странство, годинава првпат имаат можност да го дадат својот глас на парламентарните избори во Албанија на 11 мај.

Процесот за пријавување во Електронската платформа за гласање (ЕПИ) започна на 11 јануари и ќе трае до 4 март.

Според официјалните бројки на Централната изборна комисија, бројот на запишани странски гласачи достигна 56.029, додека до денеска до 09:30 часот одобрени се 40.574 барања.

Според полот, најголем процент на пријавени се мажи и речиси двојно помалку жени.

Според податоците, одбиени се 23.870 барања.

Барањата за регистрација се од различни земји во светот. Најголем број барања има Италија со 22.440, потоа Грција со 16.718, Германија со 8.636 и САД со 5.464.

Што се однесува до барањата по реони, најголем број барања има за Тирана со 12.510, потоа општина Фиер со 10.056, Корча со 7.690, Драч со 5.616 итн.