Албанија регистрира црн месечен рекорд на ковид-19: Во февруари починале 406 лица, меѓу нив и 18 годишник без коморбидитети
Албанија во изминатиот месец бележи највисоки бројки од секој апсект на пандемијата со ковид-19. Според официјалните податоци што секојдневно ги објавува Министерството за здравство, само во февруари починале 406 лица, а притоа е регистрирана и најмладата жртва во земјата, 18-годишник, кој не боледувал од други болести.
Ако се има предвид податокот дека од почетокот на пандемијата, во земјата како последица од опасниот врус починале 1.796 лица, тоа значи дека во февруари се 25 отсто од вкупно починатите. Највиска бројка, односно 21 починат е регистрана на 25 февруари.
Минатитот месец е забележана и рекордна бројка на новозарзени на месечно ниво или 29.040, со негативен рекорд од 1.239 на 9 февруари.
Досега во Албанија направени се 466.785 тестови, позитивен резултат е добиен кај 107.167, оздравеле 69.773, активни на болеста се 35.598 а починале 1.796 лица.
Во земјата на 11 јануари почна имунизацијата со која до вчера беа опфатени 13.495 лица, главно здравствени работници и постари лица од 80 години.
Денеска треба да приситигне нова пратка од 15.000 вакцини од компанијата „Фајзер“, со која Албанија има договор за вкупно 500.000 дози, додека поради влошената епидемиолошка состојба Комитетот на експерти за справување со пандемијата се очекува да донесе нови ограничувачки мерки.