Албанија отвори истрага за смртта на четворицата руски туристи во сауна кои ден претходно престојуваа во Охрид

Албанија отвори истрага за смртта на четворицата руски туристи во сауна/ Фото: МИА

Албанското обвинителство денеска соопшти дека отворило истрага за убиството во хотелската сауна по повод смртта на четворица руски државјани кои  беа пронајдени мртви на 15 октомври во хотел во селото Керет, на 50 километри од Тирана, пишува Панорама.

Четворицата Руси, маж и жена, нивната ќерка и зет, првично се мислеше дека починале од задушување, но околностите беа неразјаснети и официјалниот судски извештај не беше објавен.

Русите еден ден пред да допатуваат на албанското приморје престојувале во Охрид, а како една од можните причини за смртта која настапила одеднаш беше уште од таму да биле затруени со храна или евентуално да консумирале психотропни супстанции. На барање на Руската амбасада во Тирана, во истрагата беа вклучени и руски експерти.

Обвинителите, сепак, соопштија дека случајот го регистрирале како убиство и додадоа дека ги оценуваат доказите и исказите на сведоците.

Починатите лица се Наталија Буренкова (58), Сергеј Буренков (60), Екатерина Буренкова (31) и Никита Белоусов(37).

Видео на денот