Министерот за надворешни работи на Албанија, Гент Цакај, се наоѓа во Братислава каде се одвива втората средба на министрите на надворешните работи на Организацијата за безбедност и соработка во Европа (ОБСЕ). На овој состанок денеска се придружи и премиерот на Албанија, Еди Рама.

Денеска Албанија ќе го преземе управувањето со Организацијата. Веста ја соопшти министерот Цакај, преку социјалните мрежи.

– Денеска во Братислава, Албанија и официјално го презема Претседателсвото со ОБСЕ. После силно лобирање и капитално работење и подготовка од албанската дипломатија, една работа подржана и од важни европски чинители, како на политичко поле и на програмско, Албанија денеска е подготвена да управува со едно силно и ефективно претседателство- напиша Цакај.