Фудбалерот на Барселона, Жерар Пике беше гостин на ток шоуто „La Resistencia“ и на кое откри една занимливост поврзана со фудбалерите на првиот тим.

Водителот го праша Пике, како најмладата ѕвезда на екипата, 17-годишниот Ансу Фати доаѓа на тренинзите бидејќи и млад за да има возачка дозвола.

„Го вози татко му. Исто како и Жорди Алба“, одговори Пике и ја насмеа публиката во студиото.

Имено, шпанскиот репрезентативец Жорди Алба има 30 години, но не сака да полага за возачка дозвола и поради тоа на тренинзите и натпреварите го вози неговиот татко.
Алба е еден од најдобрите леви бекови на светот, а во Барселона дојде во 2012 година кога Валенсија го продаде за 14 милиони евра.

На Пике му се случи уште една интересна работа за време на емисијата. Тој ги демантираше написите дека некои од фудбалерите се подготвени да си заминат од „Камп Ноу“ и тоа во редовите на најголемите ривали, но кога доби прашање од публиката за елиминацијата од Ливерпул во ланското полуфинале од ЛШ, брзо одговори:
„Не, не, ќе си заминам. Реков дека не сакам да разговарам за тоа.