АЛАРМАНТНО НА ИСЛАНД: Погребна церемонија за загубениот глечер (ВИДЕО) - Слободен печат

АЛАРМАНТНО НА ИСЛАНД: Погребна церемонија за загубениот глечер (ВИДЕО)

Заради климатските промени Исланд во неделата мораше да одржи погреб за првиот изгубен глечер.

Среде поезијата, моментите на молк и политичките говори за алармантната потреба од борба против климатските промени, исландските власти, научници, активисти и други се збогуваа со ледената покривка Окјокул, во западноцентралниот дел на Исланд.

Според сателитските снимки од Земјината опсерваторија на НАСА, глечерот во 1986 година изгледаше како цврсто бело парче, а исландскиот геолог Одур Сигурдсон рече дека порано се протегал на 15 квадратни километри.

Според една геолошка карта од 1901 година, Окјокул се протегал на област од околу 38 квадратни километри.

Но сликата на НАСА од 1 август годинава покажува дека останале само мали цртички бел мраз.

Пред околу една деценија Сигурдсон го прогласи Окјокул за мртов, откако тој се топеше во текот на 20 век. Во 2014 година тој веќе не ги исполнуваше критериумите да биде класифициран како глечер.

Сигурдсон рече дека иако ова е првиот глечер на Исланд што исчезнал, сите ледени маси на нацијата ќе ги снема за 200 години.

„Повеќе немаме сомнеж дека климата на Арктикот се менува значително и брзо“, рече Миник Росинг, професор на Универзитетот во Копенхаген.

„Сите нордиски земји опфаќаат територии на Арктикот, каде што климатските промени од теоретски предвидувања на иднината станаа секојдневна реалност“, рече тој.

Во неделата, околу 100 луѓе два часа се искачуваа по вулкан до меморијалот за Окјокул.

Сигурдсон донесе посмртница, додека жителите се потсетуваа дека илјадници години се пиела чиста вода од глечерот.

„Симболичната смрт на глечерот е предупредување за нас и ни треба акција“, рече поранешната ирска претседателка Мери Робинсон.

„Ги гледаме ефектите од климатската криза“, рече исландската премиерка Катрин Јакобсдотир. Таа рече дека ќе ги направи климатските промени приоритет кога нордиските водачи и германската канцеларка Ангела Меркел ќе се сретнат денеска во Рејкјавик.

Група деца поставија спомен-плоча на глечерот.

На неа се вели: „Ок (Окјокул) е првиот исландски глечер што го загуби статусот на глечер. Во следните 200 години, сите наши глечери се очекува да тргнат по истиот пат.“

„Знаеме што се случува и што треба да се направи“, продолжува натписот, обраќајќи им се на идните генерации. „Само вие знаете дали сме го сториле тоа“.

Прочитај повеќе

Одбележувањето на 75 години од ослободувањето на Аушвиц предизвика општ хаос во Ерусалим (ФОТО)

Слободен печат

Ивановска: Ако се реши „Рекет”, ќе се подобри перцепцијата за корупцијата во земјава

МИА Агенција

Собранието на 11 февруари ќе го ратификува Протоколот за НАТО

Слободен печат

Разбиена мрежа на криумчари на мигранти: Во повеќе рации во Франција и Холандија уапсени 23 лица

Слободен печат

Вучиќ: Ја почитувам енергијата на Гренел, наше е да се обидеме да ги отстраниме бариерите

Слободен печат

Алкалоид со потврдени за ЕУ сертификати за добра производна пракса

Слободен печат

Остави Коментар

18 − one =

Прочитај повеќе

Салих: САД се партнер на Ирак во војната против Исламска држава

Слободен печат

Хрватска сака да го вклучи Западен Балкан во министерските состаноци за енергија на ЕУ

МИА Агенција

КОЛКУ ЗАРАБОТУВААТ БАЛКАНЦИТЕ ВО ГЕРМАНИЈА: Кои работни места се најисплатливи, каде платата е 2.500 евра и колку е минималецот?

Слободен печат

Расте бројот на жртвите од коронавирусот

Слободен печат

Цената на паладиумот го надмина златото

Слободен печат

Германските власти забранија собир на радикални десничари

Слободен печат