Алаба за уште посилна одбрана на „граѓаните“!?
Менаџерот на Манчестер сити, Пеп Гвардиола, сака да ангажира уште еден квалитетен играч за уште посилна одбрана. Шпанецот веќе потроши над 100 милиони фунти на Натан Аке и Рубен Диас, но желбата е да има уште еден лев бек.
Според британскиот „Телеграф“, на фудбалскиот пазар се следат ситуациите со Давид Алаба од Баерн Минхен и Николас Таљафико од Ајакс. Досега нема никакви најави за нов договор на Австриецот Алаба, со Баварците, а сегашниот му истекува на крајот на сезоната.
Manchester City are hoping to strengthen their left-back position with either Bayern's David Alaba or Ajax's Nicolas Tagliafico, but any move would depend on Oleksandr Zinchenko leaving. (Daily Telegraph) pic.twitter.com/japI5uDyfP
— Transfer News Central (@TransferNewsCen) September 30, 2020
Ајакс не сака да се раздели со Аргентинецот Таљафико и мора да добие многу сериозна понуда за да го убеди раководството на клубот да ги смени плановите.
Неопходен услов на Сити да даде понуда за еден од двајцата е прво да го продаде Александар Зинченко.
Последните денови се шпекулира дека Украинецот дури и е понуден на Барселона. Но, роковите за овие трансфери се прекратки, бидејќи преодниот рок се затвора следниот понеделник, па Гвардиола можеби нема да може да ја постигне својата цел.