Австрискиот репрезентативец Давид Алаба денеска е официјално промовиран како нов член на Реал Мадрид.

Алаба на „Сантијаго Бернабеу“ пристигна како слободен играч откако му истече договорот со Баерн Минхен каде помина дури 12 години. Австриецот со Реал Мадрид потпиша петгодишен договор, а ќе го носи дресот со број четири, кој до неодамна му припаѓаше на капитенот Серхио Рамос кој пак се пресели во ПСЖ.
– Им благодарам на сите за пријатниот пречек. Многу сум горд  благодарен што го задолжив дресот на Реал Мадрид и ќе дадам се од себе да имам успеси. Напред Мадрид – изјави Алаба.

Our new No.4️⃣!
👉 @David_Alaba#WelcomeAlaba pic.twitter.com/P6k1VpPUbq

— Real Madrid C.F. 🇬🇧🇺🇸 (@realmadriden) July 21, 2021

Задоволството од доаѓањето на Алаба не го криеше ниту претседателот на Реал Мадрид, Флорентино Перез.
– Му благодарам на Алаба што го избра Реал Мадрид. Доаѓа од Баерн Минхен, кој е пријателски клуб и во кој освои многу трофеи. За него ова е посебен ден, ќе мора да се соочи во возбудлив предизвик и да освои нови трофеи во Реал мадрид – рече Перез.