Давид Алаба минатиот месец и официјално соопшти дека по завршување на сезоната ќе го напушти Баерн Минхен по 13 години верност, бидејќи сака нови предизвици во кариерата.
Речиси сите релевантни медиуми во Европа, објави дека иако има понуди од речиси сите гиганти, Алаба го избрал Реал Мадрид. Италијанскиот новинар Фабрицио Романо објави дека Алаба ги има договорено сите детали, но сега „АБЦ Депортес“ открива каква е понудата на Реал Мадрид.

David Alaba will receive 20m€ signing bonus from Real Madrid. There’s complete agreement in place for the player to join Madrid when this season is over. [@abc_deportes]

— Infinite Madrid (@InfiniteMadrid) March 20, 2021

Австрискиот репрезентативец ќе потпише четиригодишен договор со кој ќе заработува 190.000 евра неделно, но исто така ќе добие и милионски бонус за потпис на договорот. Според „АБЦ Депортес“, Реал Мадрид ќе го „награди“ Алаба со дури 20 милиони евра само за потписот иако фудбалерот на „Сантијабо Бернабеу“ ќе пристигне како слободен играч.
Шпанските медиуми сметаат дека доаѓањето на Алаба ќе значи и крај за капитенот Серхио Рамос кој се уште не може да најде заеднички јазик со претседателот Флорентино Перез.