Ал-Келаифи: Нејмар и Мбапе никогаш нема да го напуштат ПСЖ!
Париските „светци“ беа многу блиску до елиминација синоќа во Лигата на шампионите и доколку се случеше тоа можеби повторно ќе се зборуваше околу иднината на двете најголеми ѕвезди во клубот, Килијан Мбапе и Нејмар.
Но, финишот се покажа како среќен за ПСЖ кој успеа за три минути да направи целосен пресврт и преку Аталана обезбеди пласман во полуфиналето.
Сезонава Французите се надеваат дека ќе биде вистинската и дека конечно ќе се искачат на европскиот трон, а така мисли и првиот човек на ПСЖ, Насер Ал-Келаифи кој воедно зборуваше за Мбапе и Нејмар.
– Веќе размислуваме на полуфиналето, горд сум на играчите. Не беше лесно после откако домашната лига беше суспендирана. Нејмар заедно со Мбапе се едни од најдобрите играчи на светот, тие никогаш нема да го напуштат ПСЖ – рече Ал-Келаифи за „РМЦ Спорт“ после натпреварот.
Последен пат оваа екипа беше меѓу најдобрите четири во ова натпреварување во сезоната 1994/95.
ЛШ: Аталанта го живееше сонот 90 минути, финишот среќен за ПСЖ! (ВИДЕО)