Веднаш по завршувањето на минатата сезона Езџан Алиоски официјално се раздели со Лидс и летово е во потрага по нов клуб.

Турските клубови како Галатасарај, Фенербахче и Трабзонспор се поврзуваа со македонскиот репрезентативец барем како што објавуваа досега тамошните медиуми.

Денеска уште една шпекулација се врти околу иднината на Алиоски, односно според Педро Алмеида, известувач за трансфери, Ал-Ахли од Саудиска Арабија е во преговори со Македонецот кој е слободен агент.

#AlAhli offer 2-years contract to Ezgjan #Alioski with a salary around 1.5M€ per season and a signature bonus around 1M€. Advanced contacts between two parts. 🇲🇰🟢 #transfers https://t.co/eZoP74YF3n

— Pedro Almeida (@pedrogva6) July 24, 2021

– Ал Ахли му нуди договор на две години на Алиоски со годишна заработка од 1,5 милион евра и бонус за потписот околу еден милиони евра. Двете страни се во напредни преговори – напиша Алмеида кој воедно известува дека Ал Ахли претходно ги обезбеди услугите на Паулињо.

Нашиот играч пред да се пресели во Англија настапуваше за Јанг Бокс У23, Шафхаузен и Лугано.