Актуелно: Експанзија на визуелната уметност
Бранот филмски фестивали продолжува, но изминатите неколку денови беа отворени и повеќе изложби на фотографии, скулптури, карикатури и цртежи. Во Музејот на современата уметност на 1 октомври беше отворена изложбата „Таму“ на улични фотографии на Милчо Манчевски, во галеријата на Младинскиот културен центар беше поставена изложба на Димитар Младеновски, а од 1 октомври во КИЦ е поставена изложбата на скулптури на Андреј Митевски.
Во горната галерија на МКЦ се поставени дела од Илина Арсова. Галеријата „Остен“ од први до 10 октомври слави 75 години „Остен“ со изложба на Биеналето на цртеж Скопје 2020 и наградени автори во Чифте амам при Националната галерија, додека во својата галерија ги презентира 52. Светска галерија на карикатури и графички дизајн со еволуцијата на брендот „Остен“.
(Текстот е објавен како вовед кон „Културен печат“ број 51, во печатеното издание на „Слободен печат“ на 3-4 октомври 2020)