Актуелниот фудбалски шампион во Кина прогласи банкрот!
Актуелниот кинески шампион Џиангсу Сунинг најпрво го избриша овој втор дел од името, а потоа објави дека згаснува. Прогласен е банкрот во еден од најзначајните кинески клубови.
– Сунинг го напушти кинескиот фудбал. Поради соочување со многу детали околу кои нема контрола, Џиангсу повеќе не може да дава гаранции за континуитет, Џиангсу престанува да постои. Работата на клубот ќе престане да функционира – се наведува во соопштението.
Лани Џиангсу ја освои првата титула во историјата на клубот, а во овој момент покрај бонусот за освојување на тој трофеј, на играчите им должи најмалку три плати од претходната сезона.
Прашањето е како ќе се решат овие проблеми затоа што клубот практично престанува да постои. Покрај првиот тим ќе бидат згаснати и сите помлади категории, како и женскиот дел од клубот.
Големи проблеми во функционирањето би можел да има и милански Интер кој исто така е во сопственост на „Сунинг“. Поради големите финансиски проблеми во кои се наоѓа италијанскиот тим, итно им треба силна финансиска инјекција. И тоа за покривање на тековните трошоци, заостанатите плати на вработените во клубот и трансферите што се веќе направени, но не се исплатени.