Актерот Тасевски најави дека ќе палел функционери на клада – следува ли кривична одговорност

Сашо Тасевски/ Фото: Facebook

Трагичниот настан во кој загинаа 14 лица од модуларната болница во Тетово актерот Сашо Тасевски го искористи да шири говор на омраза преку социјалните мрежи и јавно да се им се заканува по живот на владините фунционери.

Со голем број навреди, па дури и тврдења дека медиумите манипулираат со информации, во еден дел од својот статус Тасевски на дел од министрите им порача дека „треба јавно живи да бидат запалени на клада“, како и дека клетвите „ќе ги стигнат“, а засега не се знае дали оваа закана ќе се преточи и во кривична пријава што е вообичаено кога социјалните мрежи се користат за закани по живот на јавни личности и функционери.

– А ти Обиџуко пи*кетино една вчера се пуваш по медиумиве и се закануваш со казни ако некој не се попише. Ќе казнувал? Вас треба јавно живи да ве запалиме на клада. Има и пострашна казна, напиша Тасевски на својот Фејсбук профил.

Ваквите закани кон функционерите ги истражува Секторот за компјутерски криминал и спаѓаат под  чл.144 од Кривичниот законик кој се однесува на кривично дело „загрозување на сигурноста“.

 

 

Видео на денот