Актерот Димитри Диатченко починал минатата недела на 52-годишна возраст во својот дом во Флорида.

Причината за смртта сè уште не е позната. Неговиот брат рекол дека смртта на Димитри не е поврзана со ковид-19. Тој бил здрав и во добра форма, изјавило неговото семејство.

Семејството се обидувало да стапи во контакт со него неколку денови, по што повикале полиција. Полицајците што отишле на неговата адреса, го нашле телото на актерот.

Димитри беше најпознат по улогата на Ури во филмот „Чернобилски дневници“ од 2012 година. Тој се појави во многу серии како „Синови на анархијата“, „Како ја запознав мајка ви“, „Коски“, „Две девојки без пари“ и „ЦСИ: Мајами“.

Димитри е роден 1968 година во Сан Франциско. Неговиот татко е по потекло од Украина, а неговата мајка е од Шведска.

Тој ја шокираше јавноста пред пет години кога ѝ испрати на поранешната девојка фотографии од нејзиното домашно милениче зајак што го убил и го изел! Димитри рекол дека го сторил тоа за да ѝ се одмазди поради раскинувањето на врската, по што добил казна 60 дена добротворна работа.