Мајкл Џеј Фокс, најпознат по улогата во филмовите „Враќање во иднината“, отворено зборуваше за најлошите денови во неговиот живот, велејќи дека се повлекува од својата актерска кариера поради здравјето.

На актерот му дијагностицирале Паркинсонова болест кога имал само 29 години. Иако долго време се борел со оваа состојба, пред две години доби уште една тажна вест – лекарите пронајдоа тумор на ‘рбетот, кој рапидно расте, пренесува Кликс. Актерот имаше страшни болки, па речиси остана неподвижен.

Своите размислувања на оваа тема ги сподели во својата нова книга „Нема време како иднината“.

„Има време за сè, а моето работно време од 12 часа и сеќавањето на седум страници дијалог се зад мене, барем засега. Да бидам искрен со себе и со продуцентите, режисерите, уредниците, сценаристите и актерите, ќе кажам дека влегувам во втора пензија. Тоа може да се промени, бидејќи сè се менува“, напиша Фокс.

Наскоро ќе наполни 60 години, па затоа е целосно насочен кон семејството. Тој ужива во бракот со неговата сопруга Трејси Полан, со која е од осумдесеттите години, и е фокусиран на своите деца – синот Сем, близнаците Аквински и Шујлер, како и најмладата ќерка Есма.