Актерот Џејсон Момоа се раздели од девојката Еиза Гонзалес
Актерот Џејсон Момоа и Еиза Гонзалес ја прекинале својата врска, пишува магазинот „People“. Неименуван извор открил дека актерот и актерката раскинале по неколкумесечна врска.
Друг извор близок до актерите откри дека Џејсон и Еиза „се надеваат дека работите би можеле да се подобрат“. „Тие многу се сакаат и се гледаат веќе некое време, пред јавно да ја објават својата врска“, рече тој, додавајќи дека моментално се во „различни фази од животот“.
View this post on Instagram
„People“ пишува дека нивната врска била „ексклузивна“ и дека се гледаат од февруари.
„Во моментов не прават голема драма за ситуацијата. Гледаат колку можат да добијат, односно колку дозволуваат нивните деловни обврски“, забележал изворот.
Тој ги истакна и разликите во нивните карактери. И двајцата ги опиша како забавни и опуштени луѓе. Изворот рекол за Гонзалес дека е повеќе наклонета кон подолги врски, додека Момоа е „одличен тип, многу дарежлив и секогаш расположен“, но и не брза со сериозни врски.
View this post on Instagram
„Не дека не ја сфаќа сериозно, но бидејќи има деца, нема лесно да навлезе во нешто посериозно“, изјавил изворот.
Инаку, на почетокот на годината Џејсон Момоа и Лиза Бенет ја прекинаа врската по 16 години, од кои 4 во брак. Тие имаат две деца, ќерката Лола (14) и синот Нако-Волф (13).