Актерот Жарко Димоски вечерва на Фејсбук напиша дека сведочел на моментот кога се случи страотната несреќа во скопската населба Карпош, кога 22-годишен возач на пешачки премин удри во момче и девојка од Радовиш.

Девојката загина на самото место, а момчето е повредено и пренесено во болница.

„Бев случаен сведок кога еден млад дечко ја констатира смртта на девојката, слушнав крици што нема да ги заборавам цел живот! Улиците ни се како минско поле, ризик е да излезеш од дома, за жалење сме!“, напиша Димоски.

Во несреќата, која се случи околу 19 часот и 30 минути на крстосницата пред трговскиот центар „Сити мол“, загина 24-годишна девојка од Радовиш, а тешко е повредено момче-нејзин врсник.

Детали за несреќата кај „Сити мол“: Има уште една жртва, повредено момче е пренесено во болница