Актерката Патриша Аркет откри дека била на состанок со убиец
Актерката Патриша Аркет на социјалнаа мрежа „Твитер“ откри дека била на состанок со човек кој подоцна бил осуден за силување и убиство.
Станува збор за Марк Роговски Гатор кој бил осуден за силување и убиство на 22-годишната Џесика Бергстајн во 1991 година.
Актерката го откри ова одговарајќи на прашање на обожавател кој ја праша кој бил најлошиот состанок на кој некогаш била.
Second date. Pro skateboarder. Really cute. Friends with my friends. We made out but something about how he kissed me freaked me out. I gave him a fake number. Years later he killed his girlfriend.
— Patricia Arquette (@PattyArquette) April 13, 2021
„Втор состанок. Тој беше професионален скејтбордер и многу симпатичен. Беше пријател на мои пријатели. Се забавувавме, но нешто ме исплаши кога ме бакна. Му дадов погрешен телефонски број. Години подоцна ја убил својата девојка“, напиша 53-годишната актерка.
Роговски моментално се наоѓа во затвор и издржува 31-годишна затворска казна за убиство и силување. Тој беше популарен професионален скејтбордер во осумдесеттите години, но неговата кариера замре во 90-тите години поради зависност од алкохол, пишува „Дејли меил“.