По објавувањето на финалните резултати на Врховниот изборен совет на Турција за локалните избори одржани на 31 март, владејачката партија најави дека ќе поднесе приговор за неправилности во сите општини во Истанбул.

Од АКП тврдат дека има големи неправилности во избројувањето на гласовите во сите општини во Истанбул.

Врховниот изборен совет на Турција дека рокот за приговори истекува денес во 15:00 часот по локално време. Тие истакнаа дека нема да се земат предвид приговорите што ќе бидат поднесени после дадениот рок.

Од владејачката партија најавија и приговори за неправилности и во главниот град Анкара.

Инаку на локалните избори во Турција одржани на 31 март, владејачката партија победи со 38,85% наспроти 27,48% во однос на најголемата опозициска партија во Турција ЏХП, но доживеа изненадувачки пораз  во некои од најголемите градови во земјата како што се Истанбул, Анкара и Анталија.