Лионел Меси минатото лето по цели 20 години ја напушти Барселона и се пресели во ПСЖ каде ја одигра најлошата сезона во професионалната кариера.

Иако постигна 11 гола и имаше 15 асистенции, Меси не успеа да му помогне на ПСЖ да го освои трофејот што во Париз се чека со нетрпение, за победникот во Лигата на шампионите, а со прикажаните игри изгледаше како да е далеку од формата која го красеше додека го носеше дресот на Барселона.

Поради тоа, многумина сметаат дека Меси повеќе не може да игра во најдобрите англиски екипи, а еден од нив е Дени Милс, поранешниот играч на Манчестер сити кој смета дека Аргентинецот би бил резерва во шесте најдобри екипи во Премиер лигата.

– Доколку сега Меси дојде во Премиер лигата не би играл ниту во Манчестер сити, ниту во Лииверпулм па дури ниту во Тотенхем. Мислам дека ниту еден тим од најдобрите шест во Англија не би го донел. Мислам дека во овој момент Меси е далеку од тие екипи – изјави Милс.