Ако детето се врати од училиште со овие симптоми, можеби станува збор за коронавирус

Деца, илустрација / Фото: Unsplash

Стручњаците од Универзитетот Јејл предупредуваат дека кашлицата и губењето на мирисот не се така чести кај заразата со сојот делта, додека главоболката, болното грло и зголемената температура се меѓу првите симптоми.

За разлика од претходните варијанти што ги заобиколуваа децата, оваа не ги избира своите жртви, па и децата до 12 години се во опасност.

Засега познати симптоми кај децата и младите се температурата заедно со кашлицата, течењето на носот, гастроентеролошките нарушувања, но и осипот што не се појавува толку често, велат педијатрите. Пред сојот делта, ковид-19 немаше симптоми кај децата, но сега сѐ се промени. Без разлика која варијанта во моментов е доминантна, родителите мора да бидат свесни и за другите состојби што може ковид-19 да ги предизвика кај младите луѓе.

Една од сериозните болести е секако мултисистемскиот воспалителен синдром (MIS-C). Кај децата тоа е состојба кога различни делови од телото се под влијание на воспалението, а тоа се однесува на белите дробови, срцето, бубрезите, кожата, очите и гастроентеролошките органи. Секако, важно е веднаш да контактирате со лекар, медицинско лице или болница ако забележите некој од овие симптоми кај детето:

– Висока телесна температура

– Болка во пределот на стомакот

– Повраќање

– Пролив

– Болка во вратот

– Осип

– Црвенило на окото

– Силен замор

– Низок крвен притисок

 

Видео на денот