Акција за обележување на пешачките премини во Железара и Автокоманда.

Фото: Општина Гази Баба

Општина Гази Баба информира дека, за да се зголеми безбедноста на пешаците во сообраќајот, деновиве екипите на јавното претпријатие Гази Баба 2007 започнале со акција за обележување на пешачките премини во Железара и Автокоманда.

– Оваа акција се спроведува со цел поголема безбедност на пешаците во сообраќајот. Акцијата започна од Железара и Автокоманда, а во следните денови ќе продолжи и на локалните улици низ останатите населени места, додека приоритет ќе биде даден на улиците во близина на училиштата и градинките. Сообраќајната вертикална и хоризонтална сигнализација на локалните улици ќе биде оддржувана согласно утврден распоред – објаснуваат од Општина Гази Баба.

Видео на денот