Акар: Турција и САД да ги надминат несогласувањата за авионите Ф-35

Турција очекува дека ќе бидат надминати несогласувањата со САД за борбените авиони Ф-35, изјави денеска турскиот министер за одбрана Хулуси Акар.

Тој додаде дека Анкара „останува во центарот на НАТО” и покрај критиките на сојузниците поради нејзиниот упад во Сирија.

Пентагон во јули ја исклучи Турција од својата програма за развој на авионите Ф-35 бидејќи Анкара одби да го стопира купувањето на рускиот ракетен систем С-400.

Акар изрази надеж дека ќе бидат привремени американските санкции, воведени поради турската офанзива врз курдските Единици за заштита на народот во североисточна Сирија.

Турција покрена офанзива во североисточниот дел на Сирија на 9 октомври со цел да ги потисне курдските борци од својата граница по повлекувањето на американските војници од таа област.

Русија и Турција вчера постигнаа договор за поделба на контролата над северната граница на Сирија и за извршување  на заеднички патроли.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот