Академик Таки Фити: Треба да се скратат непродутктивните владини потрошувачки – коли, мебел и патувања

Академикот Таки Фити во „Утрински брифинг“ на „Слободен печат“ зборуваше за моменталната економска ситуација во земјата и импликациите од коронавирусот врз еконимијата.

– Владата излезе со определен пакет на мерки и како што беше соопштено, тие мерки и ќе се надополнуваат. Очекувањата се јасни – пикот ќе следува подоцна во Македонија – најверојатно еден месец од сега. Така што ќе следуваат и други мерки кои ќе се носат во тек. Сега Владата има правна основа, прогласена е вонредна ситуација која може да носи уредби со сила на закон, вклучувајќи ги уредбите за пренамена на буџетските средства – посочи Фити.

Појасни дека буџетот е релативно голем и оти сега освновно е да се обезбедат доволно ресурси во здравствениот ститем, бидејќи здравјето и животот на луѓето се прв и освновен приоритет.

– Во рацете на економијата треба да се направи една детална анализа на сите буџетски позиции. Се она што може да се скрати и се она што може да почека како буџетска програма треба да се направи. Треба да се скратат непродутктивните владини потрошувачки – коли, мебел, репрезентација, патување – изјави за „Утрински брифинг“ Фити, зборувајќи за мерките на Владата и воопшто финансиката ситуација на локално и глобално ниво предизвикана од коронавирусот.

Академикот Фити посочи дека е време да се работи на спасување на постојните работни позици, а да почека отворањето на нови работни места.

– Имате буџетски позииции во кои не смее да се чепка. Земете ги социјалните трансфери кои што се огромни. Таму не само што не треба да се крати, туку и да се зголеми, бидејќи освен на стопанството, буцџетот/Владата ќе треба да помогне и на граѓаните. Ова што е направено за микро, малите и средните претпријатија е прв чекор. Не се е тоа големи пари, но за премостување, во почетокот се сосема доволни. Може Македонската банка за обнова и развој да побара и нови средства – посочи академикот.

Треба и брзо враќање на ДДВ-ТО за да се задржи ликвидноста

Академикот Фити смета дека фискалниот простор во Македонија е релативно изгубен, со двојното зголемување на јавниот долг во периодот од 2008 до 2016 година.

-Но, сега е вонредна ситуација, според тоа државата може и треба да се задолжува и да порасне јавниот долг, а кога ќе се стабилизира економијата да се сервисираат и создадат подобри услов. Да избегнеме задолжување по комерцијални услови – како што е мобилизација на евро-обврзницата – изјави академик Фити.

Видео на денот